MP3 Quality Modifier: MP3 கோப்பின் தரத்தை அதிகரிக்கும் மென்பொருள்

தரம் குறைந்து காணப்படும் MP3 கோப்புகளை இயக்கும் போது சத்தம் குறைவாக இருப்பதுடன், கேட்பதற்கு ஸ்டீரியோ வசதி இன்றி இருக்கும். மிக எளிதாக MP3 கோப்பின் தரத்தை அதிகரித்துக் கொள்ளலாம். இதற்கு முதலில் MP3 Quality Modifier என்ற மென்பொருளை தரவிறக்கம் செய்து உங்கள் கணணியில் நிறுவிக் கொள்ளவும். அதன் பின் இந்த மென்பொருளை ஓபன் செய்ததும்,  தோன்றும் விண்டோவில் மாற்றம் செய்ய வேண்டிய கோப்பை தெரிவு செய்து கொள்ளவும். தெரிவு செய்தவுடன், உங்களுக்கு ஏற்றவாறு மாற்றங்கள் செய்து, Process என்ற பட்டனை அழுத்தினால் போதும். உங்களுடைய MP3 பைல் புதிய தரத்துடன் உருவாகும். அடுத்து வரும் விண்டோவில் உங்களின் பழைய கோப்பின் அளவும், மாற்றம் செய்த கோப்பின் அளவும் மற்றும் எதனை சதவீதம் மாற்றம் செய்துள்ளது என்ற தகவல்களும் வரும். தரவிறக்க சுட்டி

இணையப் பக்கங்களின் பின்னணிச் சூழலை மாற்றி அமைப்​பதற்கு

சில வகையான இணையத்தளங்களினை பார்வையிடும் போது, அவற்றின் பின்னணியின் அதிகளவு வெளிச்சம் காணப்படுவதனால் குறித்த இணையத்தை சீராக பார்வையிட முடியாமல் போகலாம். இதனைத் தவிர்ப்பதற்குரிய வசதியை கூகுள் குரோம் தந்துள்ளது. அதாவது High Contrast எனும் நீட்சியினை தரவிறக்கம் செய்து நிறுவிக் கொள்வதன் மூலம் தேவைக்கு ஏற்றாற் போல் இணையப்பக்கங்களின் பின்னணி வெளிச்சத்தினை மாற்றியமைக்க முடியும். இவ்வாறு வெளிச்சங்களை மாற்றியமைப்பதற்கென Normal, Increase Contrast, Grayscale, Iverted Color, Inverted Grayscale ஆகிய தெரிவுகள் தரப்பட்டுள்ளமை குறிப்பிடத்தக்கது. தரவிறக்க சுட்டி

Torrent கோப்புக்களை நேரடியாகத் தரவிறக்கம் செய்ய

இணையத்தளங்களிருந்து மென்பொருட்கள் போன்ற கோப்புக்களை Torrent கோப்புக்களாக தரவிறக்கம் செய்வதற்கு Bit Torrent எனும் மென்பொருள் பயன்படுகின்றது. எனினும் தற்போது இம்மென்பொருளைத் தவிர கூகுள் குரோம் உலாவியினூடு நேரடியாக Torrent கோப்புக்களைத் தரவிறக்கம் செய்வதற்கென வசதியினை One Click for Chrome எனும் நீட்சி தருகின்றது. இந்நீட்சியானது விண்டோஸ், லினக்ஸ், மக் இயங்குதளங்களில் செயற்படக்கூடியதாகக் காணப்படுகின்றமை குறிப்பிடத்தக்கது. தரவிறக்க சுட்டி

Office 2013 விண்டோஸ் XP, விண்டோஸ் விஸ்டாவில் இயங்காது: பயனாளர்கள் அதிர்ச்சி

சமீபத்தில் மைக்ரோசாப்ட் நிறுவனம், தனது Office 2013-ன் டெமோ பதிப்பை வெளியிட்டது. ஆனால் இந்த பதிப்பு விண்டோஸ் XP மற்றும் விண்டோஸ் விஸ்டாவில் இயங்காது என அறிவிக்கப்பட்டுள்ளது, பயனாளர்களிடையே பெரும் அதிர்ச்சியை ஏற்படுத்தி உள்ளது. மைக்ரோசாப்ட் நிறுவனத்தின் இந்த நடவடிக்கை, அதன் பயனாளர்களை கட்டாயமாக விண்டோஸ் 7 அல்லது 8 ஐ உபயோகிக்க செய்வதே நோக்கமாக உள்ளது என சர்ச்சைகள் கிளம்பியுள்ளன. இருப்பினும் Office 2013 பதிப்பை மேம்படுத்துவதற்கு $ 39,99 என்ற குறைந்த விலை நிர்ணயிக்கப்படலாம் என எதிர்பார்க்கப்படுகின்றது.

இரகசியமாகக் கண்காணிக்க வேண்டுமா?

இப்போது நீங்கள் யாரையாவது இரகசியமாக அவருக்குத் தெரியாமல் அவருடைய நடவடிக்கையை கண்காணிக்க வேண்டுமா? இதோ வந்து விட்டது. வயர்லெஸ் வீடியோ கெமரா. இதன் மூலம் நீங்கள் எங்கிருந்த படியும் கண்காணிக்கலாம். தேவைப்பட்ட இடத்தில் பசை போட்டு, இந்த கெமராவை ஒட்டி விட்டால் போதுமானது. நேட்வேர்க் வசதி மூலம், எங்கிருந்தும் வீடியோவில் பதிவாகும் காட்சிகளை கண்காணிக்க முடியும். நவோடாவில் உள்ள லாஸ் வேகாசில் நடந்த நுகர்வோர் எலக்ட்ரோனிக் கண்காட்சியில், இந்த நவீன வீடியோ கெமரா காட்சிக்கு வைக்கப்பட்டது, அந்த கெமராவைப் பயன்படுத்துவோர், எங்கிருந்தபடியும், தங்கள் குடும்பத்தில், நிறுவனத்தில் நடப்பவற்றை கண்காணிக்க முடியும்.                  இந்த கெமராவின் தொழில்நுட்ப முறை ‘அவாக்’ என்று அழைக்கப்படுகிறது, இந்தக் கெமரா மிகவும் சிறிய வடிவிலானது. பற்றரியில் செயல்படக் கூடியது. வயர்லெஸ் வீடியோ கெமராவாகவும், வயர்லெஸ் வீடியோ கெமராவாகவும், புகைப்படக் கருவியாகவும் இதைப் பயன்படுத்தலாம். இதை சுவர்களிலோ , வேறு இடங்களிலோ பசை போட்டு ஒட்டி வைத்து விட்டால் போதுமானது. இணையத்தளத்தின் அடிப்படையில் இந்த கெமராவில் பதிவாகும் காட்சிகளை கண்காணிக்க முடியும். இதைத் தினமும், 24 மணி நேரமும் கண்காணிக்க முடியும் என்பது இன்னொரு சிறப்பம்சமாகும். இதைப் பொருத்துவது மிகவும் எளிதானது. இதைப் பொருத்துவதற்கு வயர்கள் தேவையில்லை. புதிதாக மென்பொருளையும் இணைக்கத் தேவையில்லை.